lelies, swane, perde pronk
voor die voordeur van jou hart
paradeer die hele wellustige sirkus
met styfgespande broekiekouse
wanneer flap jy die tentdeur oop
soos Jael vir Sisera?
sodat ek kan kom dronk raak
aan jou melk
aan die slaap kan raak
aan jou boesem
ek spring deur vurige hoepels
loop tou en vou vir jou swaardlelies
in my drome het jy ’n dolk in jou hand:
jy pen my slaap teen jou hart vas...
Sanko Lewis
No comments:
Post a Comment