Langsamerhand

Terwyl ons stap,
langsamerhand
gly my linkerhand
jou regter een verby:
ons pinkies
—fladderende vinkies—
ontmoet,
groet in vlug
en land weerskant
van ’n olyfboomtakkie:
op hierdie rakkie
en met been en vlees
word ’n nes geweef.

Hier sal ons droomblou
gespikkelde eiertjies
lou-lou uitbroei,
en om die beurt sal ons
die ruspes bring,
totdat ons drome
self kan sing.


... Sanko Lewis

Give me your hand

Give me your hand

A translation of my Afrikaans poem "Gee my jou hand"

give me your hand, show my your palm:

I want to navigate the rivers thereupon,

follow the salmon to the spawning waters,

anker my skiff at that fruitful place

where silver reeds dance like nymphs 

in the streams under the fullest full moon; 

take my hand as sacrifice:

burn it on the altar of your heart

and let the incense vine upwards

towards that faraway secret lair

from where muses pigeon myths

to scribe and stonemason;

let’s hold hands like old and your lovers:

for whom clasped hands are an embrace,

for whom interlaced fingers are lustful bodies,

for whom holding hands is a covenant—

let our skin bacteria shake hands,

explore each other, know each other, and cross-pollinate.

... Sanko Lewis

Gee my jou hand

gee my jou hand, wys my jou palm:
ek wil die riviere daarop navigeer,
die salm opwaarts volg na die kuitwaters,
my skuit anker by daardie vrugbare plek
waar silwer grashalms soos nimfe in die strome
onder die volste volmaan dans;
 
neem my hand as offergawe:
brand dit op die altaar van jou hart
en laat die wierook opwaarts rank
na daardie ver geheime laer
waarvandaan muses mites duif
na skribent en bytelaar;
 
laat ons hande hou soos jong en ou verliefdes:
vir wie ingepalmde hande omhelsings is,
vir wie ingevlegde vingers wellustige lywe is,
vir wie hande vat ’n verbond is—
laat ons velbakterieë met die hand groet,
mekaar verken, beken, en kruisbestuif.

... Sanko Lewis