7.9.11

Verewig

Verewig is nie soos 'n leeftyd nie,
                         —'n sonsopkoms,
                                                  'n sonsondergang—
verewig is 'n baie, baie, baie lang tyd;
maar indien verewig vir ons bestem is
soos 'n kortstondige geboorte
                         —'n eier kraak oop en die son
                                                  spring uit met geel donse—
vir ons bestem is
en die onvermydelike dood
                         —soos 'n blom vou die dag
                                                               in die nag toe—
vir ons bestem is:
dan sal ek graag verewig saam met jou—verewig—wees.


... Sanko Lewis
Creative Commons Licence

No comments:

Post a Comment